लाेकपाटी न्यूजकाठमाडौं, १९ पुस । टीकापुर घटनाका मुख्य अभियुक्त रेशम चौधरीले प्रतिनिधिसभा सदस्यको शपथ लिएका छन् ।
गतवर्ष भएको प्रतिनिधिसभा निर्वाचनमा कैलाली क्षेत्र नम्बर १ बाट निर्वाचित चौधरीलाई बिहीबार सभामुख कृष्णबहादुर महराबाट पद तथा गोपनीयताको शपथ खुवाएका हुन् ।
उनी शपथ लिनका लागि डिल्लीबजार कारागारबाट सिंहदरबार आएका थिए । शपथ ग्रहण कार्यक्रममा राजपाका नेताका साथै सत्तारुढ नेकपा संसदीय दलका उपनेता सुवासचन्द्र नेम्वाङसमेत उपस्थित भएका थिए ।
चौधरीलाई शपथ ग्रहण नगराए सरकारलाई दिएको समर्थन फिर्ता लिने भन्दै राजपाले चेतावनी दिएका थिए । त्यसपछि प्रधानमन्त्री केपी शर्मा ओलीको पहलमा सांसद् चौधरीले शपथ ग्रहण गर्ने अवसर पाएका हुन् ।
