लोकपाटी न्यूजकाठमाडौं, ७ जेठ। भारतमा लकडाउनकै बीच कक्षा १० र १२ कक्षाको परीक्षा हुने भएको छ। भारतको गृह मन्त्रालयले बुधवार कक्षा १० र १२ को परीक्षा गर्ने निर्णय गरेको हो। गृहसचिव अजय भल्लाले जारी गरेको विज्ञप्तिलाई ट्वीटरमार्फत् सार्वजनिक गर्दै मन्त्री अमित शाहले यो जानकारी दिएका हुन्।
विज्ञप्तिमा परीक्षासँग जोडिएका शिक्षक, कर्मचारी र विद्यार्थीले मास्क लगाउनुपर्ने, परीक्षा केन्द्रमा स्क्रीनिंग र स्यानिटाइजरको व्यवस्था गर्नुपर्ने भनिएको छ।
गृहमन्त्री शाहले कक्षा १० र १२ को परीक्षाका लागि सीबीएसई, आईसीएसईसमेत सबै राज्यका शिक्षा बोर्डलाई केही निश्चित शर्तसहित लकडाउनमा छुट दिने निर्णय गरेको जानकारी दिएका छन्। साथै सामाजिक दूरी कायम गर्न पनि भनिएको छ।
Taking into consideration the academic interest of large number of students, it has been decided to grant exemption from the lockdown measures to conduct Board examination for classes 10th & 12th, with few conditions like social distancing, face mask etc, for their safety. pic.twitter.com/P4ULsmbPVv
— Amit Shah (@AmitShah) May 20, 2020
