लाेकपाटी न्यूजकाठमाडाैं । नयाँ आर्थिक वर्षको बजेट आज सार्वजनिक भएको छ। बजेटमा संघीय सरकारले प्रदेशलाई ५५ अर्ब ३० करोड र स्थानीय तहलाई ८९ अर्ब ९५ करोड बजेट अनुदानमा दिने भएको छ।
राष्ट्रिय प्राकृतिक स्रोत तथा वित्त आयोगको सिफारिसमा खर्चको आवश्यकता, मानव विकास सूंचकांकको अवस्था तथा प्रदेश र स्थानीय तहबीचको सामाजिक असमानताको आधारमा बजेट विनियोजन गरिएको अर्थमन्त्री डा. युवराज खतिवडाले जनाए।
प्रतिनिधि सभामा बजेट पेश गर्दै अर्थमन्त्री डा. खतिवडाले सशर्त अनुदानतर्फ प्रदेशलाई ३३ अर्ब ५५ करोड र स्थानीय तहलाई १ खर्ब २३ अर्ब ८७ करोड विनियोजन गरेको जानकारी दिए।
उनले राजस्व बाँडफाँटमा जनसंख्या र क्षेत्रफलको आधारमा प्रदेश र स्थानीय तहलाई १ खर्ब ३० अर्ब ८९ करोड बाँडफाँट हुने जानकारी दिए। तीनै तहमा महिना समाप्त भएको पन्ध्र दिनभित्र यस्तो रकम प्राप्त हुने व्यवस्था मिलाउने उनले बताए।
