लोकपाटी न्यूजकाठमाडौं। नेकपा एमालेका अध्यक्ष केपी शर्मा ओलीले स्थानीय तहको चुनाव शान्तिपूर्ण र निष्पक्ष ढंगले नभएको बताएका छन्। संसदमा सरकारको नीति तथा कार्यक्रममाथिको छलफलमा भाग लिँदै ओलीले ठाउँ-ठाउँमा सत्ता गठबन्धनले बुथ कब्जा गर्दा पनि प्रहरी निरीह बनेर बसेको बताए।
उनले चुनावमा सत्ता पक्षले धाँधली गरेको आरोप लगाए। ‘आज १४ दिन भयो । परिणाम किन आइरहेको छैन ? निर्वाचन स्वच्छ हुन सकेन। धाँधलीरहित हुन सकेन,’ ओलीले भने, ‘बुथ कब्जा गरेको ठाउँमा प्रहरी निरीह बनेर बस्यो। कब्जा नगरभन्दा प्रतिपक्षलाई पक्राउ गरियो।’
उनले अगाडि थपे, ‘उम्मेदवारको घरमा बम पड्काइयो। शान्तिपूर्ण भयो सबैतिर ? घर पुरानो भएर भत्किएको हो ? बमलाई अपजस लगाएर भत्किएको हो ? कि बम आफैँ आएर घर भत्कियो ?’
