लोकपाटी न्यूजकाठमाडाैं। नेपाली काँग्रेसको सभापति पदका लागि दोस्रो चरणको मतदान राष्ट्रिय सभागृहमा जारी छ । सोमबार भएको मतदानपछिको मतगणनामा सभापतिका कुनै पनि उम्मेदवारले जीतका लागि मत हासिल गर्न नसकेपछि आज फेरि मतदान भएको हो ।
दाेश्राे चरणमा मतदान सुरू भएकाे हालसम्म १ हजार ५ सय मत खसेको निर्वाचन समितिले जनाएकाे छ। मतदानका लागि सभागृहमा ६ वटा बुथको व्यवस्था गरिएको पनि समितिले जनाएकाे छ ।
मतदानस्थलमा यतिबेला उम्मेदवारहरू शेरबहादुर देउवा र शेखर कोइराला आफ्नो पक्षमा माहौल बनाउन लाइनमा उभिएका मतदातासँग भोट माग्न व्यस्त छन् ।
दोस्रो चरणको चुनावमा पहिलो चरणमा चुनावी दौडबाट बाहिरिएका तीनै उम्मेदवार प्रकाशमान सिंह, विमलेन्द्र निधि र कल्याण गुरुङले देउवालाई समर्थन गर्ने घोषणा गरेका छन् ।
