लोकपाटी न्यूजएजेन्सी। भारतको छत्तीसगढमा बिद्रोही माओवादीसँग भएको मुठभेडमा पाँच प्रहरी जवानको मृत्यु भएको छ। मुठभेडमा कैयौं घाइते भएका छन्।
मुठभेडमा माओवादीहरू पनि मारिएको प्रहरीलाई उद्धृत गर्दै बीबीसीले जनाएको छ। प्रहरीका अनुसार सुरक्षाबलको एक टीम विद्रोहीविरोधी अभियानमै रहेका बेला मुठभेड सुरु भएको हो।
अभियानमा केन्द्रीय रिर्जव पुलिस बलको कमाण्डो, बटालियन फर रिजोलुसन एक्सन युनिट, जिल्ला रिर्जव गार्ड र स्पेशल टास्क फोर्सको जवान पनि सहभागी थिए। माओवादी र सुरक्षाकर्मीबीचको मुठभेड तीन घण्टासम्म चलेको समाचारमा उल्लेख छ।
