लोकपाटी न्यूजचितवन। कोरोना परीक्षणमा नेपाल सरकारले निर्धारण गरेभन्दा बढी शुल्क लिने दुई अस्पताललाई जिल्ला प्रशासन कार्यालय चितवनले मुद्दा चलाएको छ।
कलेज अफ मेडिकल साइन्सेज शिक्षण अस्पताल (पुरानो मेडिकल कलेज) भरतपुर र स्टार अस्पताल सानेपालाई कोरोना परीक्षणका क्रममा तोकिएभन्दा बढी पिसिआर शुल्क लिएको भन्दै मुद्दा चलाइएको हो।
पुरानो मेडिकल कलेजलाई १८ लाख र स्टार अस्पताललाई ५ लाख रुपैयाँ धरौटी माग गरिएको थियो। ती अस्पतालका प्रतिनिधि धरौटी जम्मा गरी तारेखमा रिहा भएका छन्। रासस
