लाेकपाटी न्यूजकाठमाडाैं, २७ पुस । परराष्ट्रमन्त्री प्रदीपकुमार ज्ञवालीले प्रतिबन्धित भारतीय रुपैयाँ सटही बारे भारतको ध्यानाकर्षण गराएका छन् ।
चौंथो राइसिना डायलगलाई सम्बोधन गर्न नयाँ दिल्ली पुगेका परराष्ट्र मन्त्री ज्ञावलीले नेपाल राष्ट्र बैंकमा रहेको भारतीय रुपियाँ सटहीकोलागि आग्रह गरेका हुन ।
भारतीय समकक्षी सुष्मा स्वराजबीच नयाँ दिल्लीमा भएको भेटवार्तामा उनले भारु सटिहको विषयका सम्वन्धमा भएको प्रगतिका बारे प्रश्न गरेका हुन् ।
नेपालमा प्रतिबन्धित पाँच सय र एक हजार रुपैयाँका करिब आठ करोड रुपैयाँ रहेको अनुमान राष्ट्र बैंकको छ । सर्वसाधारणसँग पनि धेरै परिमाणमा त्यस्ता भारतीय रुपैयाँ रहेकाले उनीहरूलाई ठूलै मर्का परेको नेपाल बौंकर्स एसोसिएशनले जनाएको छ ।
अर्कातर्फ सर्वसाधारणले भारतमा रोजगारी गरेर कमाएर ल्याएका पैसा पनि नसाटिदा सर्वसाधारण र ब्यवसायीहरुसँग रहेको भारतीय पैसा कागज बनेको छ ।
