लोकपाटी न्यूजराजेन्द्र विक/ बाजुरा, ३१जेठ। बाजुरामा चट्याङ लागेर एक युवकको मृत्यु भएको छ। मृत्यु हुनेमा जगन्नाथ गाउँपालिका वडा नम्बर १ का ३१ वर्षीय युवक यमराज विष्ट रहेका छन्।
मंगलबार साँझ अविरल वर्षासंगै परेको चट्याङ लाग्दा विष्टको मृत्यु भएको हो। जिल्ला प्रहरी कार्यालय बाजुराका अनुसार मृतक विष्ट देउडा पाटन भन्ने ठाउँमा भैंसी गोठालो गएका थिए। राती करिव ८ बजे भैंसी खर्कमा बसिरहेका बेला नजिकै रहेको रुखमा एक्कासि चट्याङ परेर विष्टको मृत्यु भएको प्रहरिले जनाएको छ।
