लोकपाटी न्यूजकाठमाडाैँ। नेपाली कांग्रेसमा नेता रामहरि खतिवडाले प्रधानमन्त्री केपी शर्मा ओलीले अल्पमतमा रहेर पनि छलकपट गरेर बहुमतमाथि शासन गरिरहेको बताएका छन् । खतिवडाले अोलीले अदालतलाई समेत ढाँटेको बताएका छन् ।
खतिवडाले सामाजिक सञ्जालमार्फत जबर्जस्ती ३३ प्रतिशत भएका ओलीले ६६ प्रतिशतभन्दा माथिलाई शासन गरेर पनि सर्वोच्च अदालतलाई आफू वैधानिक भएको भनेर ढाँट्न सफल भएको बताए। संसदीय व्यवस्थामा ५१ प्रतिशतले ४९ प्रतिशतलाई शासन गर्नुपर्नेमा प्रधानमन्त्री ओलीले सबैलाई ढाँटेर शासन गरिरहेको खतिवडाको आरोप छ। उनले ओलीसँग जबर्जस्ती ३३ प्रतिशतमात्रै भएको बताए।
खतिवडाले अब अदालतले ओलीलाई अवैधानिक भन्नुपर्ने बताए। उनले संसद विघटनको मुद्दाको फैसलामार्फत ओली हट्नुपर्ने भन्दै लेखेका छन्, ‘२८ गतेको फैसला संविधानको र संसदीय व्यवस्थाको पक्षमा हुनेछ।
संसदिय ब्यबस्थामा ५१ प्रतिशतले ४९ लाई शासन गर्छ !
तर हाम्रा प्रधानमन्त्रीले जबर्जस्त ३३ प्रतिशतले ६६ प्रतिशत माथी शासन गरेर अझै म बैधानिक प्रधानमन्त्री हु भनेर सर्बोच्च अदालतलाई समेत ढाट्न सफल हुनुहुन्छ !
२८गतेको फैसला संविधानको र संसदिय ब्यबस्थाको पक्षमा हुनेछ ।— Ramhari Khatiwada (@RamhariKhatiwa) July 10, 2021
