लोकपाटी न्यूजहेटौंडा। मकवानपुर मनहरी गाउँपालिकाकी उपाध्यक्ष मनिला विष्टले राजीनामा दिएकी छन्। गाउँपालिका श्रोतका अनुसार विष्टले गाउँपालिका अध्यक्ष र कर्मचारीबाट अपमानित हुनु परेको भन्दै राजीनामा दिएकी हुन्।
सोमबार उपाध्यक्ष विष्टले गाउँपालिका अध्यक्ष एकराज उप्रेतीलाई राजीनामा पत्र बुझाएकी हुन्। बजेट बाँडफाँट र योजना कार्यान्वयनका विषयमा अध्यक्ष र उपाध्यक्षबीच विवाद हुँदै आएको थियो।
सोही कारणले विष्टले ले राजीनामा दिएकी हुन सक्ने गाउँपालिकाका एक जनप्रतिनिधिले बताए।
