लोकपाटी न्यूजकाठमाडौं, २५ असार। कोरोना भाइरस परीक्षणको कुनै शुल्क नलिन सरकारले प्रयोगशालाहरुलाई निर्देशन दिएको छ।दाङको राप्ती स्वास्थ्य विज्ञान प्रतिष्ठानले कोरोना जाँच गरेको शुल्क बुझाउन पालिकाहरुलाई ताकेता गरेपछि मन्त्रालयले यस्तो शुल्क लिनु गैरकानूनी रहेको जनाएको हो।
सरकारको निर्देशिकाअनुसार कोरोना परीक्षणको सबै खर्च सरकारले नै बेहोर्ने भएकाले कुनै पनि निकायले शुल्क लिन नपाउने मन्त्रालयका प्रवक्ता डाक्टर जागेश्वर गौतमले बताए। डा. गौतमले कोरोना परीक्षणको शुल्क लिएको पाइएमा कारबाही हुने बताए।
