लोकपाटी न्यूजरमेश भुसाल/ सुनवल, ३ बैशाख। सुनवल खानेपानी संस्थाको कार्यालयमा चोरी गर्ने एक पक्राउ परेका छन्। संस्थाको मोटरसाइकल र डेलको ल्यापटोप चोरी गर्ने सुनवल नगरपालिका वडा नम्वर ४ वस्ने दिपक सुनार पक्राउ परेका हुन्।
यहि वैशाख २ गते बिहान खानेपानी संस्थाको कार्यालय तोडफोड गरी कार्यलयमा रहेको लु १९प २१९९ नम्वरको मोटरसाइकल र डेलको ल्यापटोप चोरी गरेका थिए। सुनारलाई इलाका प्रहरी कार्यालय सुनवलको प्रहरी टोलीले आज पक्राउ गरेको हो। पक्राउ परेका सुनारकोे साथबाट चोरीभएको डेलको ल्यापटप समेत प्रहरीले वरामद गरेको छ भने हिजोनै सुनवल ४ घैयावारी नजिकैको खोलामा मोटरसाइकले फेला पार्न समेत प्रहरी सफल भएको थियो। पक्राउ परेका सुनारमाथि थप अनुसन्धान भैइरहेको जिल्ला प्रहरी कार्यालय पश्चिम नवलपरासीका सूचना अधिकारी डिएसपि विरेन्द्र थापाले जानकारी दिए।
