लाेकपाटी न्यूजकाठमाडौं, १२ असार । नायिका करिश्मा मानन्धरले एसईईमा ३ जीपीए (बी प्लस) ल्याएपछि खुशी व्यक्त गरेकी छिन् । अब उनले व्यवस्थापन विषय लिएर थप अध्ययन गर्ने बताएकी छिन् ।
उनले दुई विषयमा आफूलाई थोरै शंका लागे पनि नतिजाले आफूलाई निकै खुशी लागेको बताइन् । साथै उनले आफूले आशा गरेभन्दा राम्रो नतिजा आएको बताइन् । ‘सोचेभन्दा राम्रो नतिजा आयो । खुशी छु,’ करिश्माले भनिन्, ‘बी आउने अपेक्षा गरेकी थिएँ, ‘बी प्लस’ आयो, अब व्यवस्थापन पढ्छु ।’
यता एसईईको नतिजा प्रकाशन भएपछि करिश्मालाई बधाइ दिनेको ओइरो लागेको छ । आज एसईईको नजिता प्रकाशन हुने भएपछि उनलाई बिहानैदेखि तारन्तार फोन आइरहेको उनले बताएकी छन्।
